“INFINITE SQUARE”

Mi è giunta notizia che a giorni verrà fatta una ulteriore assemblea per fare il punto su Piazza Meschio a Vittorio Veneto.

Speriamo arrivino alle virgole. Nel mio piccolo ho una proposta che sviluppo qui sotto.

“INFINITE SQUARE”

Al pararíe che in inglese i la vòje batezàr
parché sol có quéa lèngua se pol lavoràr,
l’é ‘a Piàza pi famosa déa Cità déa Vitòria
e de sicuro ànca ea la passerà a.a storia.

Dès al par che la piàza i la vòje spostàr,
e se ha formà un comitato par podérlo far,
néa Caserma Goti sóra ‘l canpo de ba.ón
l’é tut pronto basta butàr zo la recinzión.

La Césa che senza piàza no i pol lassàrla
a livél dée fondazión i pensa de tajàrla,
dopo soevàda su dée rodée i la pozarà
e intiéra fin a.a nóva piàza i la trassinarà.

Su ‘e nóve fondazión la vegnarà fissàda
e la piàza a lòti la podàr èsser coltivàda
a larghe, secondo coltivazión có sapiénza,
senza vér a che far cóa Sovraintendénza.

In ten colpo sol na caserma vién doperàda
e ànca na piaza dopo zínque àni liberàda,
ma quéa vècia al Comun la ghe restarà
a futura memoria par quéi che vegnarà.

Al 1° Aprí.e del domiavínti me son svejà
a Piàza Mesch la recinzión l’era ancóra là.